Sogno di una notte di mezza estate
Stanotte ho sognato la Sicilia, è stato un sogno inquieto, ho aperto gli occhi, ho bevuto un sorso d'acqua, come se avessi la gola asciutta dall'arsura dell'estate, mi sono rimesso a letto voltandomi dall'altro lato e allora ho pensato che anch'io stavo voltando le spalle alla Sicilia, la mia terra.
Mi sono alzato e ho scritto questi versi. Uno scrittore non deve mai giustificarsi quando sente di scrivere ed è per questo che non mi giustificherò del fatto che ho scritto in prosa pur non essendo un poeta.
Buon viaggio!" Ognuno la Sicilia la vede alla sua maniera" (A. Camilleri) ... io la vedo così.
Cara Sicilia, terra mia,
"terra di Santi e di briganti"
terra unni ancora ragghianu li scecchi e passianu li muli,
suolu arsu ca ogni juornu è tuccatu di lu suli.
Terra accarezzata e sbattuta di lu mari,
terra di naviganti, di vistiamara e di viddrani.
Nta sta terra china d’alivi e ‘nfesta pa vignigna
Pigghia ogni generi di erva, di ruvetti e di gramigna.
La vucca i mungibieddru, u giganti catanisi
ietta fuocu chi addiventa cinniri e tremanu i paisi.
Terra di nenie, di suspiri e di lamenti
terra vaganta di lacrimi di ogni genti:
lacrimi di matri e di figghi scunsulati
lacrimi di genti partuti, muorti o carzerati,
lacrimi di patri ca si spaccanu a carina
pi purtari a casa un sordu, un tuozzu i pani o un pugnu di farina;
lacrimi di profughi e di picciriddri ca scappanu da guerra
lacrimi di migranti in cerca di fortuna nta sta terra,
lacrimi di cu rischia a morti pi na traversata
pp’arrivari e truvari na terra disgraziata,
lacrimi di matri cu figghi muorti nta la spaiggia e senza panni
ca truvaru sfogu nta sta terra povira ma di cori ranni.
Si sientinu pi la strata vuci di mircatu cu ogni geneiri di spisa
unni ci truovi u manciari, un paru i scarpi, na giacca e na cammisa.
Terra di marocchini, di turrunara e di ambulanti,
genti di un travagghiu o chi si adatta a tutti quanti.
Chianci u cori di sta terra ppi ogni picciuottu ca parti e s’alluntana,
arristammu picca: parrina, sbirri, raccumannati e genti anziana.
Terra di conquista c’avutu tanti patruna:
re, regini, conti e nobili baruna.
Terra di allittrati, di poeti e di cantanti,
terra di politici eminenti e di politicanti,
su chisti ca giranu di casa in casa:
cu ti strinci a manu, cu ti duna a spisa e cu ti vasa.
Su tutti gentili allegri e sorridenti
ma alla fini di sta terra un ci n'ha futtutu nenti,
l’hanu tinutu comu na vacca pi muncirici lu latti,
n’hanu inchiutu a testa di paroli e di pochi fatti.
Terra ca ogni tantu pari scurdata di Dio e di li Santi.
Sicilia beddra, terra e matri mia
Affidati a Dio e a Matri Maria.
Un’addumannu nenti o Patri eternu:
di darimi a saluti e scansarimi di lu nfernu,
di vidiri e ma figghi e, s’è possibili, e ma niputi
e di rumpiri sta catina un c’è cu futti e chiddri c’arrestanu futtuti.
